O Pazo de Meirás, patrimonio do pobo galego

O luns 13 de setembro programamos dúas visitas guiadas ao Pazo de Meirás (xardíns, capela e dependencias exteriores). O límite de prazas a 20 aconséllanos programar visitas de mañá e tarde para que cadaquén escolla o horario (11h. ou 17 h.) que máis se lle axeite. As visitas serán guiadas pola Asociación Cultural Irmáns Suárez Picallo, de Sada. Carlos Babío e Manuel Pérez Lorenzo, autores do libro Meirás: un pazo, un caudillo, un espolio serán os guías.

O luns 28 de setembro haberá unha nova vista en horario de tarde (17:00 horas), para a que terán prioridade as persoas que, debido ao límite de prazas, ficaron fóra nas visitas anteriores.