Axenda
Este messetembro, 2024
Roteiros
1 e 2 de xuño
Sábado 1: Saída de Betanzos ás 14:30. Roteiro histórico por Monção. Merenda – cea no furancho Alto da Aldea (Goián). Noite en hotel perto de Valença. Domingo 2: Roteiro “Chandebrito, entre a marabilla e o desastre patrimonial”, guiado polo Clube Espeleolóxico Maúxo. Xantar en restaurante da zona. Visita á Comunidade de Montes de Couso (Gondomar). Regreso a Betanzos sobre as 10:00 horas.
Prezo (transporte, seguro, hotel, visitas guiadas, cea do sábado e xantar do domingo):
Persoas socias: 110 €. Non socias: 130 €. Até 18 anos: 50 €. Roteiro con preinscrición na páxina web roxinroxal.gal. Prazas limitadas. Prioridade soci@s.
Chandebrito é a parroquia máis pequena do concello de Nigrán. Tamén resulta ser a menos poboada e afectada polo turismo de toda a costa sur da Ría de Vigo. A súa estratéxica situación no planalto norte do Val Miñor que domina o inmediato Val do Fragoso -onde se desenvolve a cidade de Vigo- determina unha paisaxe tan espectacular como rica en patrimonios. O roteiro previsto polo Clube Maúxo detense nalgunhas das marabillas naturais e culturais deste territorio, sen esquecer aquelas desfeitas que teñen minusvalorado esta paisaxe de tan antiga como densa historia. A Comunidade de Montes de Couso é sinónimo de xestión, modernización e diversificación. Na procura dun monte que teña un maior valor medioambiental, dun contorno máis respectuoso coas especies arbóreas autóctonas, a parroquia traballa na sistemática e constante eliminación de especies arbóreas invasoras como as acacias ou os eucaliptos. A Comunidade é pioneira nas producións alternativas do monte: framboesa, arando, grosella, castaña, ou a deliciosa variedade de seta “shiitake”
Saída: Torre de Celas (Culleredo). 09h30. O Monte Xalo, a escasa distancia da Coruña, e un espazo singular de grande valor ecolóxico e paisaxístico. Cada un dos seus penedos (pedra da Mazafacha, penas Galleiras, Igrexa dos Mouros…) garda historias certas […]
Saída do autocarro: 08:30 de Betanzos, zona polideportivo A Serra do Iribio (tamén chamada Oribio), na antesala do Courel entre os concellos de Samos e Triacastela, é outro espazo singular de grande valor ecolóxico e histórico, tamén ameazado pola ofensiva […]
Roteiro que, da man do naturalista Fernando Bandín, percorrerá o esteiro do río Lambre entre as parroquias de San Pantaleón das Viñas (Paderne) e Miño. Incluirá unha análise crítica do estado da ría de Betanzos. A actividade desenvolverase conforme ás […]
A Asociación Cultural Libre de Paderne Roxín Roxal quere ser parte activa no renacer da Galiza consciente e orgullosa de si mesma, valoradora do seu pasado, da súa riqueza biolóxica, da súa lingua e cultura, do seu riquísimo e esquecido patrimonio. Somos unha asociación libre, independente e plural.
email: ola@roxinroxal.gal