A Asociación Cultural Libre de Paderne Roxín Roxal organiza para a próxima Semana Santa umha viage cultural ás gravuras rupestres de Foz Côa e ao Alto Douro, zona de produçom do vinho do Porto.
Os sítios de arte rupestre do Vale do Côa estam formados por unha extraordinária série de gravuras datadas no Paleolítico Superior (22.000 – 10.000 a.C.), declaradas Património da Humanidade. O Parque Arqueológico do Vale do Côa organiza visitas guiadas aos núcleos de maior interesse e possúe o seu próprio centro de interpretaçom e museu.
O santuário galaico-romano de Panóias, perto de Vila Real, é un dos monumentos máis interessantes do país irmao e un testemunho da intensa romanizaçom do território transmontano. Tamém conta co seu próprio centro de interpretaçom.
O Alto Douro, zona de produçom do vinho do Porto, é umha zona de singular interesse paisagístico e histórico. No Museu do Douro, sito na localidade ribeirá de Peso da Régua, interpreta-se a história da produçom vinícola da regiom. Umha exposición temporária incide na vida de dona Antónia Adelaide Ferreira, a Ferreirinha, histórica personage ligada á produçom e comércio de vinho no século XIX.
A viage contará, ademais, com visitas guiadas á cidade de Vila Real e a umha adega de vinho do Porto, assí como um percurso fluvial em barco polo río Douro, desde o que observar a singular paisage formada polos socalcos nos que medram as vides.
Aproveitaremos a viage para falarmos da figura do escritor trasmontano Miguel Torga, nado e enterrado na localidade de São Martinho da Anta, no Concelho de Sabrosa, próximo a Vila Real. Entre outras cousas, Torga describiu no seu romance Vindima os trafegos dos trabalhadores e traballadoras nas explotaçóns vinícolas do Douro.
Datas: do Terça-feira (Mércores) 4 ao sábado 7 de Abril (Semana Santa).
Preço: 270 € (sócios) e 300 € (nom sócios). O preço inclúe a viage en autocar e os desprazamentos; alojamento en régime de media pensom (almorço e cea) no hotel Mira Corgo, um tres estrelas moi decente no centro de Vila Real; as visitas guiadas aos monumentos e á adega, e a viage em barco polo río Douro.
Abre-se desde jà o prazo de inscriçom, que rematará o 21 de Março. Para se inscribir devedes comunica-lo ao correo electrónico da associaçom, roxinroxal@yahoo.com. Terám preferência:
1. 1. Aquelas persoas anotadas na viage a Catalunha organizada para as mesmas datas e frustrada por culpa de Spanair.
2. 2. Os sócios e sócias de RR ao corrente de pagamento, e os sócios e socias da A.C. Eiravella.
3. 3. Os nom sócios/as.
Os pagamentos efectuaram-se na conta de Roxín Roxal, pero nom se deve pagar até nom ter a confirmaçom da praza por parte da organizaçom. As persoas anotadas na viage de Catalunha que jà tenham abonado os 200 euros do adianto só terám que pagar o resto. As que se tenham anotado e pagado para Catalunha e decidam nom participar nesta nova actividade transmontana deveram-no-lo comunicar para que lhes devolvamos os 200 euros do adianto.
