Xente e terras de Paderne (2). Vilamourel, Teixeiro e as fervenzas do Batán

Partindo da igrexa de San Xoán de Vilamourel seguimos percorrendo espazos naturais como o extraordinario conxunto das fervenzas do Batán e coñecendo experiencias e iniciativas vitais para o desenvolvemento sustentábel do noso concello e a nosa comarca. Dúas son as iniciativas empresarias que visitaremos nesta ocasión: Queixos Cagiao e Seitura, agricultura sustentábel.
Este percurso é a segunda parte do organizado en 2019, no que percorremos varias parroquias do Concello de Paderne e entramos en contacto con persoas e iniciativas dedicadas a manter o rural vivo e san.
O percurso contará coas medidas de protección ante a pandemia: límite de participantes, grupos reducidos, uso de máscara obrigatorio. Prazas limitadas. Prazo da anotación entre 16 (10 da mañá) e 28 de maio nos correos da Asociación.
Atención: percurso de dificultade media, debido a pequenos tramos de baixada medianamente complicados. Levar calzado apropiado para a humidade. Bastón ou caxata imprescindíbel!