Já estám cá os Roteiros de Outono 2014. Serám os seguintes:
1. Domingo 14 de Setembro, Rota da Pedra e da Auga polo Pico Sacro e rio Ulha- Da mao da poeta Iolanda Aldrei
hemos de visitar as ínsuas de Gres e mais a Fundaçom Neira Vilas, onde provabelmente teremos um encontro co escritor. Tamém rememoraremos a viage ao Pico Sacro feita por Castelao hai noventa anos. Subiremos ao pico desde onde se contempla umha espectacular paisage e aprenderemos sobre as covas e a lenda da Rainha Lupa, o apóstolo Santiago e o dragom que naquel lugar morava.
(Levai de comer. Vede preços de transporte e praços de inscriçom na informaçom do cimo)
2. Domingo 28 de Setembro: o rio Parga. Trata-se dum percorrido para persoas andareiras: 14 quilómetros mas doados de caminhar, por um lugar moi agradábel à beira do rio; numha parage natural e patrimonial de grande interesse. Hai a possibilidade de fazer o percurso mais curto (7 km) para aquelas persoas que nom quisserem andar tanto. Ao remate, jantar coletivo. Saída às 9:15 horas do Balneário de Pardinhas, Guitiriz. Levai a comida.
3. 11 e 12 de Outubro, roteiro natural, patrimonial e literário de fim-de-semana no Courel. No primeiro dia hemos de caminhar de Frojám a Vilamor e visitaremos o castro de Vilar. O domingo andaremos pola devesa da Rogueira até Parada do Courel onde visitaremos a Fundaçom Uxio Novoneira. Consultar preços e horários no cimo. Quem tenha pensado ir nom demore demasiado e se anotar, as praças em casa de turismo rural (Seoane e Folgoso) som limitadas.
Para o primeiro e o último dos roteiros cómpre se anotar no correio roxinroxal@yahoo.com. O segundo é libre.
Agardamos-vos!
