Por mor do adianto eleitoral o roteiro do Val do Silêncio há-se celebrar no fim-de-semana seguinte (27 e 28 de Outubro)
Começaremos o dia 16 de Setembro cum fermoso percurso polo Alto Ulla. Faremo-lo en colaboraçom coa Associaçom Ecologista Adega, que dirige na paróquia de Ramil a Eira da Joana, um singular ponto de encontro de experiências ecológicas e culturais. Caminharemos pola contorna do Castelo de Pambre, visitaremos castros, petróglifos, mámoas e igrejas, assí como as espectaculares torrentes do Mácara, no tramo inicial do rio Ulha, lugar onde anualmente se celebra umha proba de kaiak estremo. Despois de jantar na Eira da Joana (levar comida e bebida), visitaremos algúns outros lugares da zona como os paços da Ulhoa ou a granja Arqueixal.A saida do autocarro será ás 8.45 da zona do polideportivo de Betanços, perto do Centro de Saúde. A dificultade é baixa na maior parte do trajecto, salvo nas torrentes do Mácara, onde hai algún tramo rochoso. Esta vez as praças seram limitadas, polo que fará falta anotar-se con antelaçom no correo da Associaçom: roxinroxal@yahoo.com. O preço do transporte é de 5 euros para socios/as e 10 para nom socios/as. As nenas e nenos viaxaram grátis.
O Val do Silêncio:
Os dias 27 e 28 de Outubro (Sábado e Domingo) faremos um percorrido de contido natural, histórico e patrimonial de dous dias polo Val do Silêncio e outros lugares do Bierzo. A igreja de Santiago de Peñalba, sita numha parage de extraordinária beleza, é umha marabilla da arte moçárabe. O mosteiro cisterciense de Carracedo, perto de Cacabelos, será outro dos pontos de interesse da visita. Para mais informaçons (preço, alojamento, horários…) preme na image acima.
