Partindo de Pontedeume camiñamos até Centroña e A Insua nun percurso de grande interese paisaxístico e arqueolóxico. Contamos coa especial colaboración de Antón Prego, presidente da A.C. Ardóbriga, quen ten impulsado recentes prospeccións arqueolóxicas na zona.
A Asociación Cultural Libre de Paderne Roxín Roxal quere ser parte activa no renacer da Galiza consciente e orgullosa de si mesma, valoradora do seu pasado, da súa riqueza biolóxica, da súa lingua e cultura, do seu riquísimo e esquecido patrimonio. Somos unha asociación libre, independente e plural.
