Ola de novo a tod@s!
O Convivio da Cultura Galega que terá lugar en Outeiro de Rei o próximo sábado día 12 pode ser unha boa oportunidade para coñecer o que hoxe se fai no mundo das asociacións culturais como a nosa, contactar con persoas que traballan neste eido e facer rede. Participarán nel, por exemplo, asociacións como Mariña Patrimonio, con quen recentemente temos organizado en conxunto o percurso polo Valadouro e Mondoñedo. Para nós, trátase de coñecer máis asociacións (que hai moitas máis das que imaxinamos) e comezar a colaborar.
Roxín Roxal vai estar alí. Tedes o programa de actividade no anexo. Disporemos dun autobús gratuíto que sairá de Betanzos unha hora antes do comezo da actividade, ás 9.45, e retornará unha vez rematada a actuación musical do final. Poñemos o autobús a disposición das asociacións culturais da bisbarra, dos socios e socias de RR e de todoas aquelas persoas que o desexen até completar capacidade. As que queirades asistir enviádenos un correo a este mesmo enderezo.
Vémonos, se o queredes, en Outeiro o 12. Apertas!
RR
