Os acontecementos de 1846, cuxo episodio máis coñecido até agora é o do fusilamento dos Mártires de Carral, son obxecto de estudo e reinterpretación por parte dunha nova xerazón de investigadores. A Revolución Galega dese ano, en cuxas proclamas se chegou a incluír a independencia de Galiza, é o obxecto deste primeiro dos Roteiros de Primavera de 2025. Terá tres localizacións: Betanzos, Carral e Santiago.

Saída ás 09h30 de Betanzos (monumento a Antolín Faraldo, zona da Ponte Vella). Faraldo e os sucesos de 1846 en Betanzos, a cargo de Henrique del Río. Ás 11:30 horas, roteiro teatralizado en Carral a cargo de VÍA GALEGA. Pola tarde, roteiro explicativo da Revolución Galega do 1846 en Santiago de Compostela, da man de César Caramês. Chegada sobre as 21h00 a Betanzos. Xantar en Carral, en espazo aberto. Traer comida.

Prezo: 12 euros soci@s. 20 euros non soci@s.

Inscrición antes de 22/04/25 nesta mesma páxina web.